sru:version: 1.2; sru:query: fcs.rf="mecmua.1_50"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_50"; sru:baseUrl: ; fcs:returnedRecords: 1; fcs:duration: PT0.028S PT0.036S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_50</phrase></query>)];

Düşmene bir daḫı varmaq yoq hele ṭoġrı ḫaber
Vird ėdinmişdi Fidāyī Beg bunı şām u seḥer
Qoñ dėsünler bize ġayretsizligi — — ligi
Ėtmesünler tek hemān teklīf‑i ceng ü maʿreke

[...]‑i [?] ʿAbdī Çelebi kātib‑i dīvān‑i hümāyūn

Mes̱nevī

hezec: mefāʿīlün ‑ mefāʿīlün ‑ feʿūlün

1 Elā ey pādişāh‑i āsmān taḥt [!]
Hümāyūn salṭanet şāh‑i cevān baḥt [!]

2 Kelām‑i ḥaqqı gūş ėt dōstlardan
Şehā ser‑ḥadleri qapladı düşmen

3 Ṭemeşvār ile Gūla qaldı ancaq
ʿAdū ẓabtındadur heb ġayrī sancaq

4 Budūna tābiʿ olanlarda el‑ān
Qalupdur Ṣolnoq u Qopān u Ḥaṭvān

5 Birisi daḫı İstolnī Belġrād
Qalanuñ ḥāli oldı cümle ber‑bād

6 Çalışdılar esāsı şöyle qalʿe
Yıqıldı qalmadı bir ṭaşı qalʿe

7 Ėderler eks̱erin iḥrāq bi n‑nār
Bize dūzaḫ [!]ʿaẕābın qıldı küffār

8 Yaqıldı bir niçe çitden palanqa
Müsülmānlar qoşupdur çoq ziyānġa

9 Qalup Pāpāda bekçi ḫayli Tātār
Yanıq içinde daḫı niçesi var

10 Vėrilmek vācib olmuşken mevācib
Birisi almadı çoġ oldı ṭālib

11 Anuñ‑çün cümlesi oldı perīşān
Tātārlardan kimesne yoqdur el‑ān

12 Yeniçeri sipāhī vü siliḥ‑dār
Eger olsa‑idi anları yoqlar

13 Bulınur‑idi anda rubʿı mevcūd
Esāmīdür olan defterde maʿdūd

14 Aġası bī‑quṣūr alur vaẓīfe
Bilür‑mi ola bu ḥāli ḫalīfe

15 İki yėrden vėrilür bir sancaq
Be bu sancaq degül bir ṣancı ancaq

16 Zaʿīmüñ şimdi noqṣānı qatı çoq
Sipāhīnüñ devede qulaġı yoq